الخميس، 7 يناير 2010

فتوى سعودية: الحجاب خاص بأمهات المؤمنين فحسب

فتوى سعودية: الحجاب خاص بأمهات المؤمنين فحسب




أثارت فتوى جديدة لمدير فرع هيئة الأمر بالمعروف والنهي عن المنكر، في مكة المكرمة، الشيخ الدكتور أحمد بن قاسم الغامدي، جدلا كبيرا في المملكة العربية السعودية، حيث أكد الغامدي، الذي سبق له إصدار فتوى تجيز الاختلاط بين الجنسين،
أن : الحجاب خاص بأمهات المؤمنين وحدهن، بنص آيته وسببها وسباقها وسياقها، فضلا عما تضمنته الأحاديث النبوية الشريفة في هذا الخصوص .

وجاءت فتوى الدكتور الغامدي الجديدة، في مقابلة تليفزيونية، قال خلالها ..ما ذكرته من أدلة على جواز الاختلاط صحيح وصريح، رغم أنني لم استوعب كل نصوص الجواز ، وإنما اقتصرت على أصح وأصرح النصوص في نظري ، وقد ادعى البعض أن النصوص التي تدل على الجواز كانت قبل الحجاب، وأن آية الحجاب نسختها، وهم يعلمون أن الحجاب خاص بأمهات المؤمنين، بنص آية الحجاب ، بالإضافة لما تضمنته الأحاديث الأخرى، من النص على أنها كانت بعد الحجاب ، أي أن دعوى النسخ باطلة .

لا املك تعقيب سوى أن أحيي شجاعته و فقط

سارة عزمي - فتاة سورية تعيش بالدنمارك تحرق حجابها و تتزوج من دنماركي

http://i41.tinypic.com/ka5oc3.jpg

http://www.youtube.com/watch?v=WXwrsrGUbW8
_____________

تجربتي في ترك الحجاب - دينا أمين جاد


ما كنتش اعرف اني ساذجة... ساذجة يوم ما لبست الحجاب من ٨ سنين وقلت انا حرة وده اختياري... كنت فاكرة ان برضه طبيعي حيبقي اختياري اني اقلعه، علشان ده جسمي مش جسم حد تاني. ومن كام شهر بدات اشك في حقيقته وعملت بحث اكبر مع انه جاء متاخرا بس مش مشكلة المهم ابتديت ولقيت ان ملوش اصل في الدين وان كل اللي باعمله اني لابسة شعار اعدائي الاخوان المسلمين والوهابيين... وافتكرت ان عادي ممكن اشيله ما هو كان اختياري... بس لاقيت كمية معارضة وهجوم كاني ابو لهب مثلا، وكاني انا السبب قي تدني مستوي التعليم في مصر والغباء الثقافي والمبيدات المسرطنة والجهل والعشوائيات وديكتاتورية النظام الحاكم... ما انا حقلع الحجاب بقي... وكمان بيقولوا لو حقلعوا يبقي اسيب الصلاة؟ طيب وانتم مال اهلكم؟ دي حاجة خاصة جدا اللي هي علاقتي بربنا... محدش له انه يقولي ايه اللي اعمله او ابطله هو حد سالكم عن رايكم؟ و ييجوا الاهل ويقولوا مش حتقلعيه، عشان احنا اللي حانتحاسب عليكي... ده علي اساس اني معزة مثلا؟ اذا كان ربنا قال لا تزر وازرة وزر اخري، يبقي ازاي حد حايتحاسب نيابة عني؟ ده غير علي كده بقي كل الستات داخلين الجنة ما الاهل او الزوج هو اللي حايتحاسب؟ منطق هايل!! اقول طيب اللي عنده دليل علي الحجاب يقولي... يردوا يقولوا ما الناس كلها لابساه يبقي صح... و ده كان اقصي ما توصلوا اليه من تدبر العقل!

كانت الطريقة انهم يقولولي حنحبسك في البيت (نفس منطق المعزة) كاني معنديش ٢٤ سنة ولا بني ادم... رحت سيبالهم البيت اسبوعين... نفسي افهم عرفوا يعملوا ايه كده؟ بعد محاولات توسط رجعت و امبارح قلت تاني اني ناوية اقلعه بابا قالي انت حرة، بس شوفي ربنا حينتقم منك ازاي وماما قالت كل ما لذ و طاب!!! وحاولوا بكل ما اوتوا من سبل يحسسوني اني المفروض اخجل من جسمي او احس بالعار بس كان مستحيل احس بكده... ليه يعني ما هو جسمي ليه عار هو كان ازدواجية معايير ولا جهل ولا ضعف ارادة ولا عدم امانة بالعمل ولا رشوة علشان احس بكده؟ المهم صحيت توكلت علي الله ونزلت الشغل وكانت القطيعة من بابا وماما ومبسمعش غير كلام مستفز او من المفترض يكون كده لحد مش واثق بس انا الحمد لله عملت اللي انا مقتنعة بيه و حساه واحساسي بالرضا والامان الداخلي يفوق اي محاولات لجعلي اشعر بالعار والكفر واقدر اقول اني مستريحة رغم كل اللي حواليه انا عارفة انه مش ساهل... بس انا عاوزة اقول لكل واحدة عاوزة تقلعه انها تقلعه عشان هي حرة وجسمها ملكها وربنا بس هو اللي بيحاسب مفيش الالهة تعيش بيننا... ستشعر بإن عقلها هو المسيطر وابدا لا تشعري انك عارا بل كل العار عليهم لاهمالهم ما يميزهم كبشر: العقل.... لن يستطيع احد الان اخذ نظرة الانتصار من عيني ولا ان يحسسني بالذل ولا الضعف ولا قلة الكرامة انها اشياء نحن اللاتي نشعر انفسنا بها ان يتحكم بنا جهل او غباء بعد اليوم و الا كان العار علينا

دينا أمين جاد
تجربتي

غروب سافرات و نفتخر على الفيس بوك

http://www.facebook.com/group.php?gid=110994224508


يدنين عليهن من جلابيبهن

هذه الكلمات تحمل 100 تأويل و 1000 تفسير ..

لماذا سجن معنى هذا الكلام بالحجاب و التأكيد أن معناه وضع خرقة على الرأس فقط ؟؟

ليست هناك تعليقات: